Para Utusan 26

Dane Paulus Mabela Raga ring Arepan Raja Agripa

Irika raris raja Agripa mabaos kapining dane Paulus sapuniki, “Ragane kicen galah buat mabela raga.”

Raris dane Paulus ngicen tanda nganggen tangan jagi ngawitin mabela raga sapuniki, 2 “Duh raja Agripa! Titiang marasa aget pisan, duaning dinane mangkin titiang prasida tangkil ring iratu mangda titiang mabela raga indik tuduhan para anak Yahudine kapining dewek titiange. 3 Napi malih iratu tatas uning indik awig-awig agama Yahudine lan paindikan sane mawinan titiang sami majulat raos. Punika mawinan titiang nunas mangda iratu sabar mirengin atur titiange puniki.

4 “Sewatek anak Yahudine uning sekadi punapi carane titiang maurip ngawit titiang kari nguda. Saking pengawitne titiang sampun meneng ring bangsan titiange ring Yerusalem. 5 Ipun sami sampun sue uning dewek titiange. Tur yening ipun kayun dados saksi, ipun prasida muktiang paindikan titiange yakti anak , inggih punika soroh sane paling seken nglaksanayang awig-awig agama Yahudine. 6 Nah sane mangkin, titiang ngadeg iriki mangda kaadilin krana titiang pracaya janji sane kicen olih ring para leluhur iragane. 7 Tur makaroras soroh bangsan iragane nyantosang janjine punika, sambilanga lemah peteng sarat mabakti kapining Sang Hyang Pengardi. Nanging krana titiang pracaya kapining janjine punika, duh raja Agripa, makasami anak Yahudine nuduh titiang. 8 Wih semeton anak Yahudi! Napi mawinan semeton nenten pracaya yening Sang Hyang Pengardi nguripin malih anake sane sampun padem?

9 “Idumun titiang pada mapineh musti keras nglawan Sang Hyang Yesus, anak saking Desa Nasaret punika. 10 Yakti sekadi punika parilaksanan titiange ritatkala ring Kota Yerusalem. Malantaran surat kuasa saking para pemimpin , titiang sampun akeh ngejuk para krama sucine mangda kakrangkeng ring buine. Turmaning titiang pada setuju tatkala ipun kaukum padem. 11 Kenten pada sering pisan titiang nyiksa para pengiring Sang Hyang Yesuse ring wantilane tur maksa ipun mangda masalin lan nganistayang Sang Hyang Yesus. Manah titiange kalintang gedeg kapining ipun sami kantos titiang ngepung ipun sami ring kota-kotane sane lianan.”

Dane Paulus Nyeritayang indik Dane Matemu sareng Sang Hyang Yesus

12 Raris dane Paulus nglanturang mabaos sapuniki, “Kenten pada titiang luas ka Kota Damsik makta surat kuasa saking para pemimpin rsine mangda titiang ngejuk para pengiring Sang Hyang Yesuse. 13 Duh raja Agripa, ritatkala tengai tepet, titiang kari ring tengahin margine. Jeg saget titiang nyingakin sinar saking langite sane galang pisan, lebih galang kapining sinar suryane. Sinare punika ngiterin titiang sareng anake sane nyarengin titiang. 14 Irika titiang makasami nyelempoh ka tanahe. Raris titiang mirengin suara sane masabda nganggen basa Ibrani sapuniki, ‘Saulus, Saulus! Ngudake cening nyiksa ? Cening buka sampine ane ngajet tengala ane mangan. Cening nungkasin Nira, nanging sasajane cening nyengsarain dewek padidi.’

15 “Raris titiang matur sapuniki, ‘Duh Ratu, sirake Iratu?’

“Sang Ratu Agung raris masabda sapuniki, ‘Nira ene Sang Hyang Yesus ane siksa cening. 16 Bangun ja! Nira ngedengang raga tekening cening krana Nira milih cening apanga dadi pengayah Nirane. Lan cening bakal ngortayang paundukan ane suba tingalin cening unduk Nira tur paundukan ane bakal edengang Nira kapining cening manian. 17 Nira bakal nylametang cening uling Bangsa Yahudi lan bangsa tusing Yahudi. Tur Nira bakal ngutus cening sid anake uling bangsane makejang ento. 18 Tatujone apanga malantaran cening, ia makejang ngedat tur tusing buin idup di petenge nanging di galange. Keto masih ia tusing buin kakuasain teken ratun para setane nanging kaebekin olih kuasan Sang Hyang Pengardi. Ane jani, yening ia makejang pracaya kapining Nira, Sang Hyang Pengardi jagi . Keto masih ia bakal maan duman bareng-bareng ajak anak ane suba kasuciang olih Sang Hyang Pengardi.’

19 “Punika mawinan, duh raja Agripa, titiang ngutsahayang mangda tetep satinut kapining pelawatan lan sabda saking Sang Hyang Yesus punika. 20 Pengawitne titiang nyeritayang sabdan Sang Hyang Pengardine punika ring Kota Damsik, ring Kota Yerusalem, ring saluirin Yudea, tur maideh-idehan ring anake sane nenten Yahudi. Ring saluirin genahe punika, titiang setata mabesen mangdane ipun saking urip sane madosa tur maparilaksana sane becik mangda dados bukti ipun masalin saking dosan-dosannyane. 21 Punika mawinan para anak Yahudine ngejuk titiang ring Genah Agung Mabakti kapining Sang Hyang Pengardi tur ngutsahayang ngamademang titiang. 22 Nanging krana polih pitulungan saking Sang Hyang Pengardi, titiang maurip kantos kayang mangkin. Punika mawinan titiang prasida ngadeg iriki mangda nyeritayang kasaksian titiange kapining anake sami iriki, majeng ring anak jaba wiadin anak menak. Turmaning, napi sane tuturang titiang puniki sujatine pateh sekadi sane sampun katrawang idumun olih para , tur olih dane . 23 Trawangane punika nenten tios indik sane Kajanjiang olih Sang Hyang Pengardi musti nandang sengsara kantos seda. Tur Ida sane kapertama maurip malih saking anake padem. Sekadi punika Ida prasida ngortiang indik margi sane galang ring bangsa Yahudine lan bangsa nenten Yahudi.”

Dane Paulus Nuturin Raja Agripa Mangda Pracaya kapining Sang Hyang Yesus

24 Ritatkala dane Paulus matur buat mabela raga, irika raris gubernur Pestus mabaos keras sapuniki, “Ih Paulus, ragane buduh! Karirihan ragane ngranayang ragane buduh!”

25 Nanging dane Paulus nyaurin sapuniki, “Duh gubernur Pestus sane wangiang titiang, titiang nenten ja buduh. Baos titiange niki patut tur mawetu saking papineh sane waras. 26 Raja Agripa praragan tatas uning makasami paindikane puniki. Punika mawinan titiang bani matur ring ajeng raja Agripa tanpa nyilibang napi-napi. Titiang pracaya pisan yening ida sampun uning ring makasami paindikane punika. Krana sekancan paindikan indik Sang Hyang Yesus sampun mamargi ring arepan anake akeh. 27 Duh raja Agripa sane wangiang titiang, napike iratu pracaya kapining sane katulis olih para sinoman Sang Hyang Pengardine? Titiang uning iratu pracaya!”

28 Raris raja Agripa mabaos kapining dane Paulus sapuniki, “Eda ja ragane ngaden enggal nadiang tiang pengiring Sang Hyang Kristus.”

29 Raris dane Paulus matur malih sapuniki, “Titiang nunas ica kapining Sang Hyang Pengardi mangda sue wiadin gelis, iratu tur anake sami sane mirengin titiang dinane mangkin dados pracaya sekadi titiang. Nanging nenten kacangkling sekadi titiang.”

30 Irika raris raja Agripa, gubernur Pestus, dane Bernike, lan anake lianan makasami ngadeg tur medal saking genah paume punika. 31 Sasampune ring jaba paume, ipun sami saling nutur sapuniki, “Anake punika nenten wenten iwang napi-napi sane pantes keni ukuman padem utawi kakrangkeng ring buine.”

32 Irika raris raja Agripa mabaos kapining gubernur Pestus sapuniki, “Yening anake puniki nenten nunas mangda kaadilin olih kaisar Roma, pastika ipun dados kabebasang.”

Penuntun mabligbagan ring pasamuan:

1. Ngaturang penyuksma.

“Ngiring ja iraga ngaturang suksma mangkin. Semeton jagi ngaturang suksma indik napi?”

2. Ceritayang ja pakeweh semetone suang-suang raris iraga saling tunas icayang.

“Napike semeton wenten pakeweh mangkin?”

3. Ngwacen utawi mirengin paplajahane puniki.

4. Saurin ja pitakenne puniki:

“Napi sane plajahin iraga indik Sang Hyang Tunggal ring ceritane puniki?”

“Napi sane plajahin iraga indik manusa saking ceritane puniki?”

“Sekadi napike sapatutne iraga nyalanang idup manut pengajahane puniki?”

“Kapining sirake sapatutne iraga nyeritayang malih ceritane puniki?”